Почетна - EcHO - Educational Humanitarian Organization

Заштита од професионално прегорување како предуслов за квалитетни услуги наменети за жени и девојчиња изложени на насилство

Details: Created: 09 February 2023

Дводневна работилница на тема: „Заштита од професионално прегорување како предуслов за квалитетни услуги наменети за жени и девојчиња изложени на насилство“ беше оддржана на 20 и 21 декември во Хотел Гарденија, Велес. На работилницата присуствуваа вкупно 14 членови на Мултисекторскиот тим на заедницата на Општина Штип за ефикасна заштита на жени и девојки изложени на насилство со кој координира ЕХО. Со оглед дека професионалците кои работат со оваа ранлива категорија се секојдневно изложени на стресогени фактори што влијае кај нив да има повеќекратно зголемен ризик од професионално прегорување, на работилницата, од страна на искусни психолози-психотерапевтки беа презентирани и обработени техники и практични вештини за справување со стрес и професионално согорување на индивидуално и организациско ниво.

Работилницата беше дел од активностите, финансирани од Општина Штип, кои ЕХО, во тек на 2022 година, ги спроведуваше во рамки на Програмата за еднакви можности на Општина Штип.

Воведување во пракса на одредбите од новодонесениот Закон за исплата на паричен надоместок на жртви од кривични дела со насилство

Details: Created: 10 January 2023

Заеднички тематски состанок на членовите на Мултисекторските тимови на заедницата за ефикасна заштита на жени изложени на насилство и нашите долгогодишни соработници од Штип, Прилеп и Струмица, со тема: „Воведување во пракса на одредбите од новодонесениот Закон за исплата на паричен надоместок на жртви од кривични дела со насилство“, се одржа на 21 декември 2022 година, во хотел Гарденија – Велес.

На состанокот, покрај одредбите од законот, беше дискутирана ефективноста од функционирањето на МТЗ во секоја од општините каде се формирани, како и пречките и предизвиците со кои се соочуваат членовите, но и бројните успешни приказни кои покажуваат дека моделот на мултисекторски интегриран пристап што ЕХО го спроведува и постојано го надградува, претставува единствен пример за ефикасност и меѓусебна соработка на општите и специјализирани даватели на услуги за жени и девојки изложени на насилство, чии резултати се сѐ поголеми од година во година.

Притоа, огромен придонес во развивањето и надградувањето на овој модел имаат нашите долгогодишни партнери и донатори - Фондацијата Kvinna till Kvinna, кои веруваат во нашиот потенцијал, нашите идеи и резултати и континуирано ја поддржуваат нашата работа од 2018 година, а со тоа овозможуваат голем број на жени и девојки, изложени на насилство, да добијат навремена, брза и ефикасна заштита.

Тематскиот состанок се реализираше во рамки на проектот „All together in building Communities free of GBV“, кој го спроведува ЕХО, а финансиски е поддржан од Шведска и Фондацијата Kvinna till Kvinna.

Embassy of Sweden in Skopje

Kvinna till Kvinna

The Kvinna till Kvinna Foundation

Проект - „Промената почнува од мене“

Details: Created: 16 December 2022

Проектот „Промената почнува од мене“ е наменет за млади девојчиња и момчиња од основните и средните училишта, студентите, како и за младите од Штип.

Општата цел на проектот е да се едуцираат младите за препознавање и дејствување во заедницата преку откривање на насилството од врсниците како најраспространето и најзастапено во однесувањето на младите девојки и момчиња во нивната околина. се насочени кон нивно спречување.

Оваа цел ќе се постигне преку истражување преку онлајн прашалник и организирање состаноци со млади луѓе на кои преку меѓусебни разговори ќе се разговара за ставовите и разбирањето, како и за најчестиот тип на насилство со кој се соочуваат младите во нивната средина како и преку едукација и зголемување на знаењето на младите девојки и момчиња за препознавање на насилството од врсници и врсничка едукација за пренос на знаење со цел да се придонесе за промена на ставовите, свеста и однесувањето на младите.

Проектот е финансиран од Екуменска иницијатива на жени од Република Хрватска.

Знаци по кои ќе препознаете дека детето е жртва на булинг

Стрип - Промената почнува од нас

Видео од летната школа: https://www.facebook.com/echostip/videos/2259003530930132

Мапирање на ризиците од корупција во јавните набавки во Општина Штип и јавните претпријатија

Details: Created: 15 December 2022

Ова истражување е изготвено со помош на грант доделен преку проектот Заштита од корупција што го спроведува Центарот со граѓански комуникации со финансиска поддршка на Амбасадата на Кралството Холандија во Скопје. Содржината на истражувањето е единствена одговорност на ЕХО Едукативно-хуманитарна организација Штип.

Проектот „Заштита од корупција“ има за цел намалување на корупцијата и злоупотребата на јавните средства на ниво на локалната самоуправа преку зголемување на транспарентноста, отчетноста и интегритетот на локалните институции и имплементација на мерките предвидени во Националната стратегија за превенција на корупцијата и судирот на интереси 2021-2025 година.

Мапирање на ризиците од корупција во јавните набавки во Општина Штип и јавните претпријатија

Проект - Промената почнува од мене

Details: Created: 05 November 2022

Проектот „Промената почнува од мене“ го заокружуваме со врсничка едукација за разбирање, заштита и спречување на врсничкото насилство во основните и средните училишта во Штип.

СОУ „Димитар Мирасчиев“, ви благодариме за соработката, бевте одлични домаќини и активни учесници.

Проектот е поддржан од Екуменска иницијатива на жени од Република Хрватска.