На 28 април во Хотел Салида – Прилеп, ЕХО организираше квартален состанок за Мултисекторскиот тим на зедницата за ефикасна заштита од насилство врз жени и семејно насилство од Прилеп.

Освен главната тема на состанокот, која се однесуваше на измените и дополнувањата во Кривичниот законик во однос на насилството врз жени и родово базираното насилство, беа презентирани постигнатите резултати од работата на центарот за интегративен пристап во Прилеп и функционирањето на МТЗ – Прилеп.

Исто така, присутните членови дискутираа за потребите и предизвиците во однос на меѓусебната координација и беа донесени заклучоци и препораки за унапредување на соработката и усогласување на координативните механизми помеѓу сите релевантни чинители во рамки на мултисекторскиот тим, а со цел да се олесни пристапот до услугите за бесплатна правна помош и психо-социјална поддршка за корисничките од целиот пелагониски регион.

Состанокот се реализираше во рамки на проектот „All together in building Communities free of GBV“, кој го спроведува ЕХО, а финансиски е поддржан од Шведска и Фондацијата Kvinna till Kvinna.

Сесија за правно зајакнување на тема: „Бесплатна правна помош во случај на насилство врз жени“ беше реализирана од тимот на ЕХО на 27 април во Битола, со цел да се подигне свеста, да се информираат и правно едуцираат жените и заинтересираните граѓани за правото и законските можности кои ги нуди бесплатната правна помош за жените и девојчињата изложени на родово базирано и семејно насилство, како и за услугите кои ги нуди Центарот за интегративен пристап до пакетот неопходни услуги за жени и девојки изложени на насилство преку својата канцеларија во Прилеп.

Правната сесија се реализираше во рамки на Проектот „Јакнење на интегрираните услуги за жени и девојки изложени на насилство во пелагонискиот и југоисточниот регион“, финансиски поддржан од Европската Унија и Шведска, а субгрантиран од Фондацијата Kvinna till Kvinna и Коалиција Маргини.

На 27 април ЕХО организираше Oтворен информативен ден за промоција на услугите за жени и девојки изложени на насилство и семејно насилство, а кои нашата организација ги обезбедува во пелагонискиот регион, преку подружницата на ЕХО во Прилеп.

На отворениот ден остваривме директни средби со граѓаните на Битола и им поделивме лесно разбирливи промотивни материјали со кои сакаме да ја промовираме нашата работа и услугите што ги обезбедуваме до пошироката јавност во пелагонискиот регион, а со цел да ги поттикнеме потенцијалните кориснички на нашите услуги да пријават и да бараат помош во подружницата на ЕХО – Канцеларијата за интегративен пристап до пакетот неопходни услуги за жени и девојки изложени на насилство –Прилеп.

Активноста е дел од активностите во рамки на Проектот „Јакнење на интегрираните услуги за жени и девојки изложени на насилство во пелагонискиот и југоисточниот регион“, финансиски поддржан од Европската Унија и Шведска, а субгрантиран од Фондацијата Kvinna till Kvinna и Коалиција Маргини.

Сесија за правна едукација на тема „Како до бесплатна правна помош во случаи на насилство врз жени и семејно насилство?“ се одржа во Гевгелија на 24 април во организација на ЕХО, а во соработка со Општина Гевгелија. Освен што сесијата имаше за цел да ги информира граѓаните за бесплатната правна помош и интегрираните услуги за жени и девојчиња што ЕХО ги обезбедува за овие ранливи категории, претставуваше и поволна прилика да се најави формирањето на Мултисекторски тим на заедницата во Гевгелија за ефикасна заштита на жени и девојчиња изложени на насилство. Настанот беше дел од активностите во рамки на проектот „Јакнење на интегрираните услуги за жени и девојки изложени на насилство во пелагонискиот и југоисточниот регион“, финансиски поддржан од Европската Унија и Шведска, а субгрантиран од Фондацијата Kvinna till Kvinna и Коалиција Маргини.