Одбележан Европскиот ден на правдата
- Details
Од 2004 година, секој 25 октомври Советот на Европа и Европската унија го одбележуваат Европскиот ден на правдата низ цела Европа, со цел да ја доближат правдата до граѓаните, да ги информираат за нивните права и да ја промовираат работата на Советот на Европа и Европската комисија во областа на правдата.
ЕХО Едукативно-хуманитарна организација, како овластено здружение за обезбедување на бесплатна правна помош, останува отворена за сите граѓани кои сакаат да остварат или да заштитат свое право и правен интерес од било која правна област, обезбедувајќи им иницијални правни совети за правото на бесплатна правна помош, општи правни совети, општи информации и помош во комплетирање и поднесување на барање за секундарна правна помош, односно за бесплатно адвокатско застапување во судски и управни постапки.
Ви ја споделуваме атмосферата од отворените информативни денови одржани во Прилеп на 12 и 13 октомври. На овој начин ја подигаме свеста на граѓаните за користење на бесплатната правна помош како прв и најважен механизам за олеснување на пристапот до правда, кој треба да е ефикасен, квалитетен и еднаков за сите граѓани.
Граѓаните кои имаат правни потреби и прашања, а кои поради својата финансиска состојба немаат пристап до правда, можат да добијат повеќе информации за начинот на обезбедување на бесплатната правна помош од ЕХО на телефонскиот број 070 22 82 82.
Настанот е дел од проектот „Унапредување на пристапот до правда за граѓаните од Пелагонискиот Регион“ и се организира со финансиска поддршка на Министерството за правда на Република Северна Македонија.
Квартален состанок на членовите на Мултисекторскиот тим од Прилеп за ефикасна заштита на жени изложени на насилство
- Details
Квартален состанок, наменет за членовите на Мултисекторскиот тим од Прилеп за ефикасна заштита на жени изложени на насилство, се одржа на 29 март во Прилеп. На состанокот беше презентирана актуелната функционалност на тимот, од страна на ЕХО беше презентирана Програмата за економско јакнење, ресоцијализација и реинтеграција наменета за жени кои претрпеле насилство, а исто така се дискутираше за начинот на координација и известување, за потребите и предизвиците на МТЗ Прилеп, како и за следните планирани активности за јакнење на капацитетите на мултисекторските тимови со кои координира ЕХО.
Преку женски активизам и иницијативи до родово инклузивна и одговорна општина
- Details
Завршен настан на проектот „Преку женски активизам и иницијативи до родово инклузивна и одговорна општина“.
Голема благодарност на сите жени и девојки, јадро активистки, кои несебично придонесоа за успешен крај на проектот. Вашата поддршка и посветеност ни се секогаш потребни.
Состанок за усогласување на предлог-акцискиот план за родово-базирано насилство на општина Штип
- Details
Во соработка со Општина Штип на 11 февруари, ЕХО организираше состанок за усогласување на предлог-акцискиот план за родово-базирано насилство на општина Штип
со новата Стратегија за родова еднаквост 2021-2025 на општина Штип. На состанокот зедоа учество членовите на Мултисекторскиот тим за ефикасна заштита на жените изложени на насилство, координаторката за еднакви можности на општина Штип, претставнички од ХЕРА како и релевантни претставнички од општинската администрација, задолжени за спроведување на родово одговорно буџетирање.
Состанокот резултираше со заклучоци за усогласување на постоечките можности со обврските на општината за финансиска и логистичка поддршка на специјализираните услуги за жени и девојки изложени на насилство и за создавање услови за одржливост на координацијата и функционирањето на мултисекторскиот тим во Штип.
Иницијатива на жените од Ново село за уредување на простор со зелени површини и игралиште за деца
- Details
По иницијатива на јадро жени - активистки, подржани од ЕХО Едукативно хуманитарна организација, со залагање на поранешната координаторка за еднакви можности на Општина Штип Suncica Gjufteska и со дополнителна поддршка од актуелната координаторка за еднакви можности Snezana Saneva, од страна на општинските власти беше реализирана иницијативата на жените од Ново село за уредување на простор со зелени површини и игралиште за деца.
- Работилница за подготовка на Политика за раководење со човечки ресурси
- Работилница за подготовка на нацрт верзија на Програма за економско јакнење, ресоцијализација и реинтеграција на жените кои претрпеле насилство
- ЕХО вложува напори да го реплицира Моделот за интегративен пристап до неопходните услуги за жени и девојки изложени на насилство и во други општини на нашата земја
- Работилница на тема „Координација и управување со координација за ефикасна заштита на жените изложени на насилство“
Page 3 of 10
ДОНАТОРИ
ПАРТНЕРИ
